छत्तीसगढ़ से खुमान सिंह की रचना- सुंता के डोरी

नाम- खुमान सिंह

पता-रमतरा गुरूर बालोद( छत्तीसगढ)

शिर्षक- "सुंता के डोरी"

जाना है सबला दुरिहा ,

फेर काबर नई मानस तैहा बहिय्या,

जेला पाय तेला सुनावत हस राम कहानी,

कतिकेच घलो सुते रबे ,होगे हे बिहिनीया ,

लिपाये तुलसी चावँरा घलो लजावत हे ,

रात कुन के बोरे बासी ,

 घलो अडबर सुहावत

थे,

फेर का होगे ये परानी मन ला ,

'पीज्जा '(रोटी) के अगोरा म ,

 अँगाकर अउ पान रोटी भुलाथे, 

कतिकेच ला कहँव गा ,

मोरो आवत होही नँगरिहा ,

दोनो सगरो परानी मिलके,

गाबो ,सुआ, करमा,अउ ददरिया,

यहू सुआ,करमा,ददरिया के , 

अब नइ होवय कोनो सुनईया ,

अब तो आगे लक्ष्यमी डी जे ,

ता कोन होही राउत के देख्खाईया ,

ये फायसन म ,पुरा दुनिया मोहागे ,

तिज के तिहार मे ,ठेठरी खुरमी के रंधईया घलो नंदागे ,

गाँव म सुघ्घर सुंता करके , 

कराथे  रामायण अउ गीता, 

रात भर अच्छा झुमरथे ,

अउ होथे बिहिनीया जइसे, 

त देथे कुकरी बोकरा ल नेवता,

अइसने मे हम  ,दुनिया ला  का बताबो ,

आवव अइसन मन ला , जड सुध्धा, उखाड फेकथन, 

आवव जुर मिल के गोहार लगाबो ,

हमर अंचल ला एक,

 नवा पहचान दिलाबो , 

सगरो परानी जुर मील के ,

सुंता के बीडा उठाबो,

नवा जतन ,नवा सुराज ,

दिया जलाबो ,

चंदा सुरूज बनके ,

दुनिया मे अँजोर बिगराबो,

-खुमान सिंह भाट-