रायपुर से हरमन कुमार बघेल की रचना- हमर बांटा म परे हावय

कवि- हरमन कुमार बघेल 

जिला-रायपुर

राज्य-छत्तीसगढ़

विषय-अंधविश्वास

शीर्षक-हमर बांटा म परे हावय

विधा-मुक्तककाव्य छत्तीसगढ़ी 

संपर्क-अटल विहार कॉलोनी अकोली रोड आरंग जिला-रायपुर छत्तीसगढ़ 493441

मो.नं.9753164885,7804885185

____________________________

_____________________________

🙏हमर बांटा में परे हावय🙏

का कोनो ह हमला जादू- मंतर करे हावय

अरे! नहीं भईया वो ह तो हमर बांटा में परे हावय.....

अंधविश्वास के चक्कर में हमन सबो पड़े हावन

बीच मजदार म बईला-भूतवा बन के खड़े हावन

का..कोनों ह हमला करिया गोंटी मारे हावय

अरे! नहीं भईया वो ह हमर बांटा में परे हावय।।1।।

रंग-बिरंग के बईगा अउ आनी-बानी के गोठ

कोनो हा कुकरी-बोकरा संग म मांगथे दारु-नोट

का...कोनों ह हमला अछरा के पानी छिते हावय

अरे! नहीं भईया वो ह तो हमर बांटा में परे हावय।।2।।

उखरु बैईठ के बईगा ह कई सुपली भभूत ल सिराईस

दुख-पीरा ला भगाही केहेन ओ पीरा ल अउ बढ़ाईस

का...कोनों ह हमला लाडू-मिठई म जादू करें हावय

अरे! नहीं भईया वो ह तो हमर बांटा म परे हावय।।3।।

तोर करम के भोगना ल तुही ल भोगे बर पड़हि

गलत करम के दुख ल बईगा-गुनिया ह काय कर ही

का...भगवान ले बढ़ के कोनों बईगा-गुनिया हावय

अरे! नहीं भईया वो ह हमर बांटा म परे हावय।।4।।

अंधियार के रहईया मन अंजोर म आवव

सतगुरु के चरण म अपन माथ ल नवावव

सब दुख-पीरा के दवई ह सतगुरु करा हावय

ये हमर बांटा के गोठ ल हरमन बतावत हावय

अरे!नहीं भईया वो ह तो हमर बांटा म परे हावय।।5।।

आज के परिवेश म अंधविश्वास ल दूर कर समाज ल आगु बढ़ाय के परयतन करों संगवारी हो🙏🙏🙏

              रचनाकार/कलमकार

               हरमन कुमार बघेल

                    व्याख्याता

                  आरंग-रायपुर

                   (छत्तीसगढ़)