जिला-रायपुर
राज्य-छत्तीसगढ़
विषय- मतदान (चुनाव)
शीर्षक- देश के खातिर डालबो वोट
विधा-मुक्तक काव्य छत्तीसगढ़ी
संपर्क-अटल विहार कॉलोनी अकोली रोड आरंग जिला-रायपुर छत्तीसगढ़ 493441
मो.नं.9753164885,7804885185
_________________________
🙏देश के खातिर डालबो वोट🙏
देश के खातिर चलो डालबो वोट
चल दीदी चल भांटों डारबो वोट
अच्छा देश चलाही,उही ल देबो वोट
डोकरी दाई,बबा के, घला सुनबो गोठ।।
देश के खातिर डालबो वोट....
पांच बछ्छर बाद आथे,चुनई के वोट
मोर दाई,मोर ददा,नई छोड़न डारबों वोट
हमर चिन्हारी के सरकार बनाबो, डालथन वोट
देश ल ऊपर उठाये के,आगे बेरा करबो वोट।।
देश के खातिर डालबो वोट....
सुग्घर देश के नींव रखथे,हमर मन के वोट
लालच म नई आके,प्रजातंत्र बर करबो वोट
सिरतोन बनाबो सरकार,जेन देश बनाही पोठ
सियान मन के देखाय रद्दा,चल मानबो ऊंकरे गोठ।।
देश के खातिर डालबो वोट....
सरकार हो ही हमर,मानही हमर गोठ
देश के भविष्य गड़ही,जीवन होही पोठ
मजबूत बनबो हमन,देश विदेश में होही गोठ
लोकतंत्र म मनखे मन ल,नई पड़े कभु चोट।।
देश के खातिर डालबो वोट.…..
सात मई के दिन हे,झन भुलाहु डाले ल वोट
अपन देश के सरकार बनाहु,इही हे मोर गोठ
काम बुता ल छोड़ के जाहु,डाले ल अपन वोट
मोर बिनती हे,कतका कीमती हे एक-एक वोट।।
देश के खातिर डालबो वोट......
देश के खातिर डालबो वोट......
छत्तीसगढ़िया रचनाकार
हरमन कुमार बघेल
(*हरमन*)
आरंग-रायपुर
No comments:
Post a Comment