बालोद से शैलेन्द्र चेलक की रचना- छत्तीसगढ़ी

रचनाकार - शैलेन्द्र चेलक

पता - पेंडरवानी , कंवर 

जिला - बालोद

राज्य - छत्तीसगढ़

विधा - गीत

विषय - छत्तीगढ़ी

झन बन अभिमानी काया ,

चारेच दिन के रे माया ,

जाना है संगी साथी छोड़ , जाना है ....

तन के राहत ल रे संगी ,

हवे धन मान - बड़ाई ,

जीयत-जीयत गाँठ जोड़ , जाना है ....

काम नई आये तोर धन - दौलत ह  न कोई कुल परिवार ,

सत संगत हे सरग निसैनी इही हे जिनगी के सार ,

कुछु- कोनो -कोई काम नई आवे कतको कर ले रे मोर - मोर , जाना है ......

अपन - बेगाना सब भरम ए संगी  ये सच्चाई ल जान ,

धरम - करम म ध्यान लगा ले अब रे कहना ल मान ,

तिनका तको तोर साथ नई जाए कतको सकेल ले लाख - करोड़ , जाना है .........

             - - शैलेन्द्र चेलक - -