स्थान- जिला रायगढ़
विधा - गीत
विषय- स्वच्छता
शीर्षक- रिक्शा वाली दीदी
रिक्शा वाली दीदी
******************
बिखरे कचरा द्वार द्वार मा,
दीदी कहे सखल.....
रिक्शा वाली आगे दीदी , संग मा हमर ते चल....
घर घर कूड़ा दान होगे,
कचरा के निदान होगे,
गांव शहर हर चमके भैया,
गली गली उत्थान होगे.....
नरुला नाली जमो हंसे हे, नदीया करे कल कल.........
रिक्शा वाली आगे दीदी , संग मा हमर ते चल....
कचरा बिन के जमो दीदी,सबके रोग भगाही जी......
साफ सुथरा करके शहर ला,
घर ला तोर सजाहि जी
दया करबे तेहु दाई......
कर काज ला सफल....
रिक्शा वाली आगे दीदी , संग मा हमर चल.....
छांट के कचरा सूखा गीला, अलग अलग रखवाबो जी...
मणि कंचन मा जाके हामन
बढ़िया खाद बनाबो जी...
स्वच्छता के झाड़ू चलगे,......
अब होही जी हल.....
रिक्शा वाली आगे दीदी , संग मा हमर ते चल......
सुनलो दाई सुनलो ददा मन,
मिलके फरज निभाना हे
सखल के कचरा भरके रिक्शा,
सुंदर शहर बनाना हे.....
दीदी के गुणगान करबो
जमो करो पहल.......
रिक्शा वाली आगे दीदी , संग मा हमर ते चल......
मौलिक रचना
अजय पटनायक
No comments:
Post a Comment