बिलासपुर से मोहित साहू कृत गीत- नया रूप संग झगरा

नाम :- मोहित साहू

जिला :- बिलासपुर छग

शीर्षक :- मयारू संग झगरा.. 

विधा :- गीत

<<<<<<<<<<$>>>>>>>>

ऐ किरिया कसम घलो ह

मीठ लबरा होगे रे

मोर मयारू संग 

मोर झगरा होगे रे 

जेन खाये हे कसम 

जिनगी भर साथ निभाए के 

बात बात म भरे हवय

गुस्सा अब खिसियाए के

शीतल छांव रहिस जेन ह

आगी कस अंगरा होगे रे

मोर मयारू संग 

मोर झगरा होगे रे

जब वो आइस मोर जिनगी म 

मया पीरित भराय रहिस

चारों कोति सावन कस 

मया के बदरा छाय रहिस 

ओखर मया अब पानी के

लहरा होगे रे 

मोर मयारू संग 

मोर झगरा होगे रे

अब तो ओखर बिन 

जीना मुश्किल होगे रे

का बतावंव संगी 

मोर तो रोना होगे रे

आज काबर ओहा मोर ले

दुरिहा होगे रे

मोर मयारू संग 

मोर झगरा होगे रे

ऐ किरिया कसम घलो ह

मीठ लबरा होगे रे

मोर मयारू संग 

मोर झगरा होगे रे

मोर मयारू संग 

मोर झगरा होगे रे

-------------------------------

मोहित साहू