छत्तीसगढ़ के राजनांदगांव से दूजराम साहू की रचना- मोर छत्तीसगढ़

रचनाकार -दूजराम साहू

जिला -राजनांदगाँव

शीर्षक -मोर छत्तीसगढ़ के सांस्कृतिक विरासत ! 

मोर छत्तीसगढ़ के सांस्कृतिक विरासत 

बड़  समृद्ध अउ आपार हे  ! 

लोकसंस्कृति, लोकनाटक के भरमार हे !! 

कथक नृत्य अउ शास्त्रीय संगीत, 

पंडवानी ,पंथी ,राउत नाचा, 

साज नाच के  भरमार हे ! 

सूता बहुंटा नांगमुरी रूपिया , 

फूली बारी खूंटी  बिछीया , 

मोर महतारी मन के सिंगार हे! 

अकती हरेली तीजा पोरा , 

सुरहोती देवरी गऊरी गउरा, 

अनी बानी के इहाँ तिहार हे ! 

करमा ददरिया सुवा खेतिहारिन गाथे , 

गउँ चरईया राउत भईया बांस गीत बजाथे , 

पड़की नचईया के भरमार हे! 

डुबड़ी कड़ही, चाऊर चीला, 

बफोरी खाये सबो माई पीला , 

चटनी भाजी के भरमार हे ! 

उत्ती म राजिम दाई,बुड़ती म बमलाई,

रकसहू म दंतेसरी बुड़ती म शबरी दाई, 

वीरनारायण घासीदास के महिमा आपार ! 

                     दूजराम साहू