झड़ी by अनिता सुभाष देशमुख

मउसम लागत हे बड़ सुघ्घर,
      दिखत हे  रुख राई हरियर,
बेचावत हे सरई बोड़ा अउ बाँस करी।
आगे हावे संगवारी देखव झड़ी।

कुरता सबो कच्चा हावे,
    दिन रतिहा म नई सुखावत हे,
ये बदरी के जुर ह,
   हाँथ गोड़ ल दुखावत हे।
घर म चुचवावत हे,पानी ह सरी,
आगे हावे संगवारी देखव झड़ी।

रद्दा म जम्मो डाहर,
   मेचका ह कूदत हे,
बियारा म रखे पैरा म,
   फुटू घलो फूटत हे।
अमली म चूरे हावे,चना दार संग जरी,
आगे हावे संगवारी देखव झड़ी।

✍अनिता सुभाष देशमुख©®
5 जुलाई 2019