हे जगन्नाथ स्वामी by श्रवण कुमार साहू"प्रखर"

ये जगत के तै  आधार,
तोर महिमा हावय अपार ।
हे जगन्नाथ स्वामी,
तेहा अंतर्यामी।
मोर उद्धार करो 2
भव ले पार करो।
         💐
हे अनाथों के नाथ,
तोला कहिथे जगन्नाथ।
हम दीन दुखियों के संग,
तै रहिथस हरदम साथ।।
मोर उद्धार करो-2
भव ले पार करो।।
       💐
छप्पन भोग स्वामी,
मैं कहाँ ले लाहूँ।
खिचड़ी के संग मूंग के,
तोला भोग मैं लगाहूँ।।
भाव ल स्वीकार करो-2
भव ले पार करो ।।
        💐
मोर दाई करमा ह ,
तोला मनाईस हे।
श्रद्धा के फूल स्वामी,
तोर पाँव चढ़ाईस हे।
मोर उद्धार करो-2
भव ले पार करो।।
         💐
बलराम, सुभद्रा संग,
पूरी म बिराजे हस।
तै करे बर रथयात्रा,
तन मन ल साजे हस।।
मोर उद्धार करो-2
भव ले पार करो।।
✒रचना✒
श्रवण कुमार साहू"प्रखर"
राजिम, गरियाबंद(छ. ग.)