छत्तीसगढ़ महतारी - by Poet विरेन्द्र सिंह ठाकुर

🎈🎈🎈🙏🎈🎈🎈
मोर छत्तीसगढ़ महतारी ओ ,
     तोर महिमा हावे बड़ भारी ओ
तोर चरण के मोला दाई
     बना लेते तैं पुजारी ओ
मोर 36 गढ़.....,,,
🌹🌹🌹(01)🌹🌹🌹
तोर अछरा के छाँव म दाई,
       सब झन मया ल पाथे ओ-2
इंहा जे मनखे रोवत आथे
       हाँसत-हाँसत जाथे ओ-2
*इहाँ के भांचा बनके आये -2*
       *राम प्रभु अवतारी हो-2*
मोर 36 गढ़.............
🌷🌷🌷(2)🌷🌷🌷
बनके तैंहा धान कटोरा,
        सबके भूख मिटाये ओ-2
रखे गरब मा हीरा मोती ,
      सबला दान लुटाये ओ-2
*बड़ सिधवा हुसियार हावय ओ* -2
      *इँहा के नर अउ नारी ओ* -2
मोर 36 गढ़ ......
🎈🎈🎈🌷🎈🎈🎈
         📝रचनाकार📝
      *विरेन्द्र सिंह ठाकुर*
      कवि एवं मंच संचालक
     ग्राम-कपसीडीह(राजिम)
      मो.नं.8718916468
     🌷जय छत्तीसगढ़🌷