जिला - बेमेतरा
राज्य - छत्तीसगढ़
विषय - पर्यावरण
शीर्षक - पर्यावरण प्रेम के गीत
विधा - गीत
संपर्क - पिरदा (भिंभौरी),
बेरला-बेमेतरा
9753304788
🙏🌳 *पर्यावरण प्रेम के गीत* 🌳🙏
कइसे करंँव मैं जतन धरती के,
कइसे करंँव मैं जतन |
जंगल कटावत हे, भुइँया सुखावत हे,
आगी उगलत हे पवन ||
कइसे करंँव मैं जतन धरती के...
1. मनखे के करनी देख रानी -
प्रकृति हर सुसकत हे |
बिन पानी के पावन भुइँया,
देख तो कइसे भभकत हे ||
जगा-जगा मा बिरवा लगाके,
बचालव पर्यावरण |
कइसे करंँव मैं जतन धरती के....
2. कारखाना के कुहरा ले संगी,
धरती दाई करियावत हे |
मीठ पानी मा जहर घोरइया,
बइरी मन इतरावत हे ||
प्रदूषण मिटालव,ऑक्सीजन बचालव,
ममहाही सुग्घर चमन |
कइसे करंँव मैं जतन धरती के....
3. झिल्ली खाके गऊ माता मन,
देख तो कइसे तड़फत हे |
रूखराई ले छाँव - पानी बर,
जीवजंतु सब तरसत हे ||
बंजर भुइँया ल मिलके हरियालव,
जिनगी हो जाही धन-धन |
कइसे करंँव मैं जतन धरती के....
जंगल कटावत हे, भुइँया सुखावत हे,
आगी उगलत हे पवन |
कइसे करंँव मैं जतन धरती के....
*दिलीप टिकरिहा "छत्तीसगढ़िया"*
*पिरदा (भिंभौरी),बेरला-बेमेतरा*
*9753304788*
🌹🌹🌷🌷🌻🌻🏵️🏵️🌳🌳🙏
No comments:
Post a Comment