नाम - जामिनी कैवर्तजिला -बिलासपुर
शीर्षक - "घुमुर्री"
सम्पर्क - ९३९९०५८८२०
"घुमुर्री"
पिंकु के बबा अउ डोकरी दाई के गुरतुर गोठ।
पिंकु - बबा मोर पीठ ल खजुवा तो गो,काय ह चाबत हे कहुक लागत हे।
बबा - ले उचा तोर कुर्ता ल।
घमुर्री होगे रे पिंकु ,जा लान घुमुर्री पाउडर ल लगा हुं।
पिंकु - हव बबा।
बाबु दाई - वहा कहां पाउडर ल लगाबे,गली डाहन ले चीकनी गरम पकखरा बीन के ले आन चट- चट मड़हा दे अउ।
बबा - वा ते तो लइका ल मार डरबे वो गोपी के दाई,तइहा जमाना कस तहु ह पखरा म घमुर्री फोरे बर कीथस ओ।
बाबु दाई - त बइहा हमन तो ददा पुरखा म नई जानेन आउडर पाउडर ल । अब तो आनी- बानी के चीकन -चादन, कीरीम -पाउडर ।
पिंकु - ले बबा आनत हव पत्थरा बीन के चट चट फोड़बोन तहन।
बाबु दाई - नहीं बेटा झन ला रे नई सहे सकस तैं ह ।
पिंकु - त तुमन कईसे फोड़त रहेव।
बबा - हमर समे ह अइसन नई रहीस बेटा,पईसा कउड़ी नई रहत रहिस हमर ददा दाई मन उही उदीम ल करय बेटा।
पिंकु - जरत रिहिस होही न बबा।
बबा -हव बेटा,ले आ पाउडर ल लगा ले।
बबा -ले तो बेटा थोकन मोरो पीठ म लगा दे रे मोरो पीठ म घमुर्री उबकत हे तईसे लागत हे।
बाबु दाई - लगा दे रे पिंकु,तोर बबा ल उमर पच्चासी म पाउडर लगाय के भूत चढ़त हावय,तोर बर अउ नवा बाबु दाई लाही रे पिंकु लान के लगा दे पाउडर ल।
बबा - ए दे डोकरी के अनकटारी गोठ ह शुरू होगे रे ददा।
ले बेटा लगा पाउडर ल तहन बारी बहन जायेन दे मोला गाय गरुवा के।
पिंकु - ए दे लग गे बबा।
रुकबे बबा पाउडर ल रख के आवत हव मंहु जाहुं तोर संग बारी डाहन।
बबा - ले चल।
रांध -पसा के रखबे डोकरी,आवत हन हमन बूल के बारी डहन ल
जामिनी कैवर्त
बिलासपुर मस्तुरी
No comments:
Post a Comment