बनाई तमनार, रायगढ़
विधा- छन्द मुक्त कविता
शीर्षक -"चार-चिरौंजी"
***********************
छोट-छोट रुख हावे
चना एईसन फरे हजार
करिया होके पाके अउ
अबड़ मीठ लागे चार।
चार कइथें फर ला
आंठू ला कइथें चिरौंजी
चिरौंजी ला भैइदा बेचे
अउ चार खाए भौजी।
चिरौंजी के लाड़ू बने
खाए मा अबड़ सुवाद जी
गुर मा पागे मोर दाई
संगी अबड़ मिठास जी।
चिरौंजी के अबड़ मांग
छत्तीसगढ म एकर भरमार
दूसर राज्य घलो भेजें
हमर छत्तीसगढ़ सरकार।
चार के टोंगरी म बैइठ के
करथों मेंहर, एकर परचार
आइहो छत्तीसगढ़ त जरूर खाइहो
पुष्पा करथे तुमनला जुहार।
No comments:
Post a Comment