निवास- भरदाकला (खैरागढ़ )
जिला :-राजनांदगाँव (छ ग)
विषय :- छेरछेरा
छेर छेरा गीत
-------------------------------
छ.ग. में छेरछेरा पुन्नी में गायें जाने वाले लोकगीत जिसे डंडा नृत्य के साथ
प्रस्तुति किया जाता है ।
तन्ना रे नन्ना मोर नन्ना रे भाई ।
गली गली नाचो डंडा रे भाई ।।
संडेवा काड़ी के डांड़ी बनायेव,
जुवाड़ी काड़ी के बंडी रे भाई ।
भथुआ काड़ी के जुड़ा बनायेव,
धाने जोरेव ओमा खंडी रे भाई ।।
नान नान मुसवा ल बईला बनायेव,
खोचका डिपरा म धिरे रेंगायेव ।
अमली डारा के सोंटा बनायेव,
पटपर भांठा में पल्ला कुदायेव ।।
अंगरी म कोड़ी कोड़ी मिर्चा लगायेव,
मिर्चा फरे लहालोट रे भाई ।
मिर्चा के टोरत ले होगे कुबेरा,
सासे ननंद गारी दिही रे भाई ।
तारा भई तारा अंगरेजी के तारा,
जलदी बिदा देबे जाबो दूसर पारा ।
अंडा के घर बना ले पखरा के टुहू टुहू,
छेरीक छेरा छेर मरकनीन छेर छेरा ,
माई कोठी के धान ल हेर हेरा
अरन बरन कोदो दरन ,
जभे देबे तभे टरन ll
त्रुटियाँ होने पर क्षमा चाहता हूँ।
दूजराम साहू"अनन्य "
निवास -भरदाकला
तहसील- खैरागढ़
जिला -राजनांदगांव (छ.ग.)
No comments:
Post a Comment