जिला - राजनांदगाँव
शीर्षक - अंगना म रे चहकत हे चिरईया!
भईया उठ ग किसान !
चल बोए बर धान !
अंगना म रे चहकत हे चिरईया !!
अब सोये के बेरा नईहे भईया!
बेरा पंग पंगागे !
कोठा में बांधे जोड़ी बईला!
ऐती ओती झांके!
भईया अब होगे नवा बिहान !
चल बोए बर धान !
अंगना म रे चहकत हे चिरईया !!
झिमिर -झिमिर पानी बरसे !
झुमके नाचे मैना रानी !
कड़कत बिजली गरजत बादर!
चुहे ओईरछा झानी !
गरीब गुरुवा के मितान !
रखथस सबो के धियान !
अंगना म रे चहकत हे चिरईया !!
No comments:
Post a Comment