जिले का नाम:- मुंगेली(छत्तीसगढ़)
शीर्षक:- दाई के मया
विधा:- हाइकू
दाई के मया
सुन गा संगी
आज चेत लगाके
बात बताहूँ।
दाई के मया
जगत मा बड़का
गोठ बताहूँ।
जग म दाई
तोर मया हावय
बड़ा महान।
नई हे भाखा
करँव मैं कतका
तोर बखान।
खुद के पिरा
तँय सहिके दाई
हमला पाले।
सुरता कर
ननपन के दिन
कइसे राखे।
थोरहा पेट
हव खुद खावय
तोला खवाके।
शीतल छाँव
बरोबर जइसे
तोर अँचरा।
धुर्रा हे माटी
तोर मया के आघु
धन कँचरा।
नागेश कश्यप।।
महतारी के मया आहहहहह अद्भुत प्रस्तुति आदरणीय श्री 🙏🙏🙏🙏
ReplyDelete