छत्तीसगढ़ से फरूण कुमार यादव की रचना- बस्तर दर्शन

____________________________

नाम     -  फरूण कुमार यादव

शीर्षक - बस्तर दर्शन (माई जस गीत)

राज्य   -  छत्तीसगढ़

मो.नं.   -  6268201025

____________________________

             बस्तर दर्शन...

ए पहाड़ी मैना गावत् हे महिमा बस्तर के...

सुन मोर दीदी सुन मोर भईया

पावन हे भुँईया बस्तर के

ए पहाड़ी मैना गावत् हे महिमा बस्तर के...

शंखिनी-डंकिनी चरण धोवय ईहाँ

मोरे दंतेश्वरी मईया के

बत्तिसा अउ शिव मंदिर हे

इहाँ अड़बड़ तईहा के

चित्रकूट अउ तीरथगढ़ ले

मोती बरोबर जल बरसे

ए पहाड़ी मैना गावत् हे महिमा बस्तर के...

ईहाँ बसे हे भैरम बाबा

तीर म माई के बगिया हे

पशु-पहाड़ अउ जंगल झाड़ी

थके-हारे बर छईहांँ हे

भुईयाँ ले निकलै लोहा ईहाँ

लेगै जापानी भर-भरके

ए पहाड़ी मैना गावत् हे महिमा बस्तर के...

         

                   - फरूण कुमार यादव

                     जाँजगीर-चाम्पा,छ.ग.

___________________________