छत्तीसगढ़ से किरण सोम की रचना- मोर गांव

नाम - किरण सोम 

राज्य - छत्तीसगढ़ 

शीर्षक- मोर गांव 

मोर गांव अबड़ सुघ्घर 

बासे हे अटकुल नदिया के तीर 

जिहाँ बिराजे शीतला दाई आऊं रघुवीर 

आऊं तुमन घुमे बर 

घुमाऊं मोर गांव 

नदी नरवा रूख राई 

ड़ोगरी पहाड़ पुरवाई 

अतना सुघ्घर गांव 

छोड़ के कहाँ जाव 

कांकेर तीर मां बासे 

मोहपुर के गांव 

कल-कल करथे ड़ोडगी आऊं नदिया 

आमा अमरईया आऊं डुमर के तरिया 

छोड़ के कहाँ जाव 

अतना सुघ्घर गांव 

          किरण सोम 

      कांकेर छत्तीसगढ़