छत्तीसगढ़ से कवयित्री अनिता सुभाष देशमुख की रचना- छत्तीसगढ़ नाँव इँहा के

कवियत्री-अनिता सुभाष देशमुख
राज्य-छत्तीसगढ़(चंदना,राजिम)
संपर्क-
शीर्षक- छत्तीसगढ़ नाँव इँहा के

छत्तीसगढ़ हे नाव इँहा के,
जेकर राजधानी रायपुर हे।
36 किला के गढ़ हाबे,
जेकर सेती ए मशहूर हे।

जीवन यापन करे बर,
खेती इंहा के हाबे किसानी।
सिंचाई करे बर जेमा,
बांध ले छोड़य जाथे नहर म पानी।

मेहनत भरे  हे कूट कुटके,
छत्तीसगढ़िया मन के खून में,
जांगर टोड़ कमाथे किसान,
नौतप्पा तक के जून में।

जिंहा के हांथ करघा आइटम के ,
जम्मो जगह माँग भरपूर हे
छत्तीसगढ़ हे नाँव इँहा,
जेकर राजधानी रायपुर हे।

अरपा पैरी सोंढुर के,
संगम जेन कहावत हे,
उहि राजिम नगरी म,
अर्ध कुंभ मेला भरावत हे।

छत्तीसगढ़िया बोली इंहा के,
लागथे बड़ गुरतुर हे,
छत्तीसगढ़ नाँव इँहा के,
जेकर राजधानी रायपुर हे।

...✍अनिता सुभाष देशमुख©®