बिहार से गणपति सिंह की रचना- कातिक के महिनवा

नाम :- गणपति सिंह
राज्य :- बिहार
विधा :- भोजपुरी गीत
शीर्षक :- कातिक के महिनवा

      कातिक के महिनवा
*********************************

कातिक  के  महिनवा  बाड़ा  पावन हे।
गंगा के नहान लागे बाड़ा मनभावन हे।।
*****
थोड़े थोड़े सिहरावन लागे
गंगा माई के किनारे सुहावन लागे
कके नहान सभे करे सतुआ मुरई के भोग लगावन हे।
कातिक के महिनवा......
********
गंगा माई के कोसिआ भराला
लइकन सभ के भारा उतराला
बाजेला बाजावा लागेला बाड़ा सुहावन हे।
कातिक के महिनवा...
********
एक से एक चिजवा बिकेला हो घाटे
अइसन गंगा माई के  नेहिया हो बाटे
बबुआ के माई अँचरा पर नचनिया करे नचावन हे।
कातिक के महिनवा.......
*********
गंगा  माई के घाटे सभे दिअरी जरावे
करत आरती सभे देव दिवाली मनावे
गणपति करस फल फूल माई के चढ़ावन हे।
कातिक के महिनवा......
*********
©️®️
गणपति सिंह
छपरा बिहार