कारी by श्रवण कुमार साहू"प्रखर"

आषाढ़ के महीना म,
करिया से मिलगे कारी।
जीवरा तरसत हावय,
अब बरसात के हावय बारी।।
न कुछ देखे हे ,न कुछ सुने हे,
तभो ले एक दूसर के,
मया के बन गे, अधिकारी।।
जल्दी मिलहुँ ,कहे रहिस,
दिखत रहिस ,निच्च्ट बिचारी।
वोकर बात म करिया ह आगे,
सोचे सिरतोन, कहिस या लबारी।
चंदा बरोबर वोकर चेहरा,
चकचक ले चमकत हे।
सोच म पड़गे करिया ह,
वोहा काबर कहिस ,मैं कारी।।
कारी ल खोजे बर करिया ह,
घुमत, हे बखरी बारी ।
कोन जनी कोन रूप धर के,
छम से आही मोर कारी।।
मोर अमावस ल दूर करके,
भगाही मन के अंधियारी।।
वाह रे मोर कारी,वाह रे मोर कारी
रचना✒
श्रवण कुमार साहू"प्रखर"
राजिम, गरियाबंद(छ .ग.)