लइका राहय ते सियान
फेर नई हे काकरो धियान ।
सब मोबाइल चलावत हे
सबके मोबाइल घन घनावत हे।
सब इही मा झपावत हे
एक ले सेख मोबाइल देखावत हे।
आजकाल मोबाईल सब ला
पागल ............................................!
न बुढ़वा लागे न जवान
सब कर है वो मोबाइल खोखा के गियान।
ना डोकरी लागे ना छोकरी
सब मारतत हे सेखी ।
सब अपन नाक ला कटावत हे
कोनो लल कोनो नहीं भावत हे।
आजकल मोबाइल सब ल
पागल ...............................................!
दिन तिथि कैलेंडर पंचांग नवावत हे
का एतवार का सम्मार कोनो ल नी भावत हे।
महतारी अऊ बेटा के रिस्ता
बाप बेटा के रिस्ता
मनखे मनखे के रिस्ता दूरिहावत हे ।
बरजे ले कोनो नई मानत हे
सब ला एक मई सानत हे।
आजकल मोबाइल सब ला
पागल बनावत हे ।
तरिया नंदिया कछार डोंगरी
सब सुन्ना सुन्ना लागत हे।
खेत खार डोली भी बियारा
सब परिया परत हे ।
बिना हियाव सब सरत हे
अंतस के पीरा को ला नी जनावत हे।
कोनो न कोनो नहीं भावत हे
आजकल मोबाइल सब ल
पागल ...........................................!
मूड़ मा गघरी कारी संवरेगी
बाखा दबाए लइका लइकोरी ।सुवारी के चूल्हा फूंकई
खुनूर खुनूर चुरी बजई ।
परोसिन के आगी मंगई
चऊक मा बबा के बीडी़ सुपचई
सब बिसरावत हे।
आजकल मोबाइल सब ला
पागल .......................................!
पुरुषोत्तम चक्रधारी सूर्य
पांडुका गरियाबंद
No comments:
Post a Comment