जिला- बलौदा बाजार
राज्य- छत्तीसगढ़
विषय- हमर छत्तीसगढ़
शीर्षक- सुघ्घर छत्तीसगढ़ राज
संपर्क- 7974389033
सुघ्घर छत्तीसगढ़ हमर राज हे।
धान के कटोरा छत्तीसगढ़ के नाम हे।।
छत्तीसगढ़ महतारी के लइका देवत हे कुर्बानी।
आज प्रिय सब्बो झन ल सुनावत हे कहानी।।
छत्तीसगढ़ भुइयाँ म वीर नारायण जनम लिस।
अंग्रेजी शासक ल वीर नारायण मार भगइस।।
1 नवम्बर 2000 के सुघ्घर छत्तीसगढ़ राज बनिस।
तब ले छत्तीसगढ़ महतारी ल मनखे मन जानिस।।
बिलासा देवी ले बिलासपुर नाम धरइस।
राजा चन्द्रहास ले चन्द्रपुर ल जानिस।।
शबरी ले शिवरीनारायण धाम हे।
समलाई ले संबलपुर शुभ नाम हे।।
पांव पखारौंव तोर ओ मँइया।
जय जय छत्तीसगढ़ मँइया।।
प्रिय ह छत्तीसगढ़ महतारी के सुघ्घर बखान सुनइस।
सुघ्घर राज ले मनखे मन माटी ल पहचानिस।।
भ्रष्टाचारी नेता मन छत्तीसगढ़ ल बर्बाद करिस।
जिनगी बचाय बर भगवान के फरियाद लगईस।।
छत्तीसगढ़ महतारी के प्रिय गावय गुन गान।
हमर छत्तीसगढ़ महतारी के चलव पांव पखारन।।
परमानंद निषाद'प्रिय'
ग्राम - निठोरा,पोस्ट - थरगाॅंव,
तह.-सोनाखान,जिला-बलौदा बाजार(छ.ग.)
मो.- 7974389033
ईमेल- sachinnishad343@gmail.com
No comments:
Post a Comment