छत्तीसगढ़ से गिरिजा प्रसाद पाण्डे की रचना- मन बैरी पच्छताय

1.कवि का नाम - गिरिजा प्रसाद पाण्डे

2.शिर्षक - "मन बैरी पच्छताय"

3.राज्य - छत्तीसगढ़(कोण्डागाँव)

4.सम्पर्क - 9691760900

         "मन बैरी पच्छताय"

जियत रहतले ना पुछै कभु पेज-पसीया न चाय।

मरे मास ल नवा कपड़ा ओड़ाके गंगाजल पिलाय।।

ना कभु अस्पताल न कभु देवालय लेजाय।

जरे हाड़-मास के राख ल तिरथ कराय।।

देख जमाना के रीत ल मन बैरी  पच्छताय।।

अपन लैका ल मारे ताना,कुकुर ला खांदगोड़ी चघाय।

आनिबानी के साबुन सेम्पो म कुकूर ल नह्वाय।।

दुध,बिस्कूट,बदाम कुकूर ला खवाय।

घर के लईका भुखे नरीयाय,जतन न करे महतारी कुपोषीत होईजाय।।

गाय-बच्छरु ल लौड़ी धर कुदाय।

दुध-दही बर लैकामन ललचाय।।

घर के कोठा(गौठान) म बैला न गाय।

कहाँ ले मिलही गोबर,घर-अँगना लिपाय।।

सुतउठ बिहनीया नदी-जंगल जाय।

मारे चिरई,रूखराई ल काटगिराय।।

अलकरहा होगे विकास जम्मो जिव मन ह रोगी होईजाय।

नदी-नहर होगे प्रदुषित,अऊ हवा घलोक नही सहाय।।

अपन के बहनी के चिंता करके लाजबचाय।

दुसर के ल मारे सिट्टी,छेड़े-गुर्राय।।

बालपन मा दाई,बहनी,फुफू संग मया जताय।

जवानी में सबला बिसरा के करे दुष्कर्म और जिंदा जलाय।।

देख जमाना के रीत ल मन बैरी पच्छताय।।

                गिरिजा प्रसाद पाण्डे

                 कोण्डागाँव(बस्तर)